अमेरिकाको मेन राज्यस्थित लिविस्टनमा बुधबार राति अन्धाधुन्ध गोली प्रहार हुँदा २२ जनाको मृत्यु भएको छ । एक रेस्टुरेन्ट र अन्य दुई स्थानमा एकै व्यक्तिले गोलीकाण्ड मच्चाउँदा ६० जना घाइतेसमेत भएका छन् । सार्वजनिक सुरक्षाका लागि माइनका आयुक्त, माइक साउचकले बुधवार राती लेविस्टनको एक बलिling गल्ली र रेस्टुरेन्टमा सामूहिक गोलीबारीको पहिलो अपडेट दिन्छ।
प्रहरीका अनुसार मृतकको संख्या बढ्नसक्छ किनभने कैयौँ मानिसहरू गम्भीर घाइते भएका छन् । सीएनएनका अनुसार आक्रमणकारीको पहिचान गरिएको छ तर उनलाई गिरफ्तार गर्न सकिएको छैन ।
आक्रमणकारी ४० वर्षीय रोवर्ट कार्ड भएको बताइएको छ । आक्रमणकारीले किन गोली चलाए भनेर पनि केही खुल्न सकेको छैन । आक्रमणकारीको तस्वीर पनि सार्वजनिक भएको छ । रोवर्टले मेन राज्यको तीन फरक–फरक स्थानमा गोली चलाएका थिए ।
स्पेयरटाइम रिक्रियसन, स्किमेन्जिस बार एन्ड ग्रिल रेस्टुरेन्ट र वालमार्ट सेन्टरमा उनले अन्धाधुन्ध गोली चलाएका हुन् । उनी बन्दुक र गोलीसहित हिँडिरहेकाले मेन राज्यमा मानिसहरूलाई सुरक्षित भएर बस्न आग्रह गरेको छ ।
सहजै बन्दुक खरिद गर्न सकिने भएकाले अमेरिकामा बन्दुक हिंसाका घटनाहरू दोहोरिइरहन्छन् । यस वर्ष अक्टोबर २६ अर्थात् आजको मितिसम्ममा मात्र अमेरिकामा बन्दुक हिंसाका घटनाले ३५ हजार २७० जनाको ज्यान लिइसकेको छ । पछिल्लो १० महिनामा अमेरिकामा यस्ता घटनामा हरेक महिना करिब ३५ सय जनाले ज्यान गुमाइरहेका छन् । बन्दुक हिंसाको सोही अवधिमा अमेरिकामा ३० हजार ६२० जना घाइते भएका छन् ।