काठमाण्डौं, १६ भदौ । आज सुनको भाउ ६ सय रुपैयाँले घटेको छ । आज सुनको भाउ ६ सय रुपैयाँले घटेर तोलामा एक लाख ५२ हजार तीन सय रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ । अस्ति शुक्रवार सुनको भाउ तोलाको एक लाख ५२ हजार नौ सय रुपैयाँ रहेको थियो ।
गएको भदौ १३ गते बिहीवार सुनको भाउ अहिलेसम्मकै उच्च तोलाको एक लाख ५३ हजार दुई सय रुपैयाँ पुगेको थियो । त्यस्तै,आज चाँदीको भाउ पनि घटेको छ । चाँदीको भाउ आज २५ रुपैयाँले घटेर तोलाको एक हजार सात सय ९५ रुपैयाँ कायम भएको महासङ्घले जनाएको छ ।
