लोक सारथी
गत शनिबार (2023, Oct. 7) प्यालेस्टिनी चरमपन्थी संगठन हमासले इजरायलमा आक्रमण गरेपछि इजरायलले हमासविरुद्ध युद्ध गर्ने घोषणा गरेको थियो । हमासको आक्रमण र इजरायलको जवाफी हमलापछि पूरै मध्यपूर्वको अवस्था द्रुत रूपमा परिवर्तन भएको छ।
मध्यपूर्वमा तनाव बढेको छ र वर्तमान परिस्थितिमा इरानको महत्वपूर्ण भूमिकाका बारेमा भएको छलफललाई मध्यनजर गर्दै साउदी अरबको समस्या बढेको छ ।
साउदी अरेबियाको मन्त्रिपरिषद्को मङ्गलबार एउटा महत्त्वपूर्ण बैठक बसेको थियो, जसमा गाजा र इजरायलका विषयमा छलफल भएको थियो ।
बैठकपछि साउदी सरकारको प्रेसले विज्ञप्ति जारी गर्दै भनेको छ, ‘सरकारले यस विषयमा विश्व र अन्य क्षेत्रीय नेताहरूसँग छलफल गरिरहेको छ र यो तनाव क्षेत्रका अन्य देशहरूमा नफैलियोस् भन्ने चाहन्छ । विज्ञप्तिमा भनिएको छ, “साउदी अरब प्यालेस्टाइनी जनतालाई उनीहरूको वैधानिक अधिकार प्राप्त गर्न, सम्मानजनक जीवन बिताउन र उनीहरूको आकांक्षा पूरा गर्न र न्यायपूर्ण र दिगो शान्तिको खोजीमा उनीहरूको साथमा उभिनेछ।”