रियाद। इस्लामिक सहयोग संगठन (ओआईसी) का वर्तमान अध्यक्ष साउदी अरेबियाको निमन्त्रणामा नोभेम्बर १२ मा रियादमा ५७ इस्लामिक राष्ट्रको असाधारण शिखर सम्मेलन आयोजना गरिएको छ । प्यालेस्टिनी जनतामाथि इजरायलले गरेको क्रूर आक्रमणबारे छलफल गर्न यो सम्मेलन बोलाइएको हो।
ओआईसीका वरिष्ठ स्रोतका अनुसार सङ्गठनका सबै सदस्यलाई निमन्त्रणा दिइएको छ । प्यालेस्टाइनको वर्तमान अवस्थाको गम्भीरतालाई ध्यानमा राख्दै यस सम्मेलनमा अधिकांश इस्लामिक देशका नेताहरू सहभागी हुने अपेक्षा गरिएको छ। गाजाको द्वन्द्वबारे छलफल गर्न शनिबार रियादमा अरब-अफ्रिकी शिखर सम्मेलन र आपतकालीन अरब लिग शिखर सम्मेलन पनि हुँदैछ।
