पश्चिम नेपालमा शुक्रबार राति गएको ६.४ म्याग्निच्युडको भूकम्पमा परी १२८ जनाको मृत्यु भएको छ भने १४० जना घाइते भएका छन् । राति ११ बजेर ४७ मिनेटमा जाजरकोट जिल्ला केन्द्रबिन्दु भएर भूकम्प गएको राष्ट्रिय भूकम्प अनुगमन तथा अनुसन्धान केन्द्रले जनाएको छ ।
शनिबार बिहान ३ बजेसम्मको विवरणअनुसार जाजरकोट र पश्चिम रुकुममा सबैभन्दा बढी क्षति जाजरकोटमा मात्र ४४ जनाको मृत्यु भएको जाजरकोट जिल्लाका प्रहरी नायब उपरीक्षक सन्तोष रोकाले जानकारी दिए । मृत्यु हुनेमा नलगाड नगरपालिकाकी उपमेयर सरिता सिंह पनि रहेको रोकाले जानकारी दिए ।
जाजरकोटमा ५५ भन्दा बढी घाइते भएका छन् । उनीहरुमध्ये ५ जनाको कर्णाली प्रादेशिक अस्पताल सुर्खेतमा ल्याइएको छ भने अन्यको जिल्लाका विभिन्न चिकित्सा संस्थानमा उपचार भइरहेको छ । त्यसैगरी रुकुम पश्चिममा मृत्यु हुनेको संख्या ३६ पुगेको प्रारम्भिक तथ्यांकले देखाएको पश्चिम रुकुम जिल्लाका प्रहरी नायब उपरीक्षक नमराज भट्टराईले जानकारी दिए । आठबिसकोट नगरपालिकामा ३६ र सानीभेरी गाउँपालिकामा आठ जनाको मृत्यु भएको छ ।
रुकुम पश्चिममा घाइते हुनेको संख्या ८५ पुगेको छ । गम्भीर घाइते एक जनाको मेडिभ्याक गर्ने तयारी भइरहेको छ भने अन्यको जिल्ला अस्पताल, चौरजहारी अस्पताल र अन्य स्वास्थ्य चौकीमा उपचार भइरहेको छ ।भूकम्पले जाजरकोट जिल्लाको भेरी, नलगाड, कुशे, बारेकोट र चेडागढलाई नराम्ररी प्रभावित गरेको छ । जिल्लाका सबै सुरक्षाकर्मी खोजी तथा उद्धार कार्यमा परिचालन गरिएको प्रमुख जिल्ला अधिकारी सुरेश सुनारले जानकारी दिए ।
यसअघि असोज २२ गते बिहान ७ बजेर ३९ मिनेटमा काठमाडौं उपत्यका र आसपासका जिल्लामा ६ दशमलव १ रेक्टर स्केलको भूकम्प गएको थियो । क्षति वा हताहतको कुनै रिपोर्ट छैन। तिब्बती र भारतीय टेक्टोनिक प्लेटहरू मिल्ने र प्रत्येक शताब्दीमा एक अर्काको दुई मिटर नजिक पुग्ने पहाडमा अवस्थित नेपालमा भूकम्पहरू सामान्य छन् जसको परिणाम भूकम्पको रूपमा निस्कन्छ। सन् २०१५ मा ७.८ म्याग्निच्युडको भूकम्प र त्यसपछिका परकम्पले करिब ९ हजार मानिसको ज्यान लिएको थियो ।
सरकारको विपद्पछिको आवश्यकता मूल्याङ्कन (पीडीएनए) प्रतिवेदनमा नेपाल विश्वको ११औँ भूकम्पीय जोखिममा रहेको देश हो । प्रधानमन्त्री दाहालले तत्काल उद्धार र राहतका लागि सुरक्षा निकायलाई निर्देशन दिएका छन् ।
प्रधानमन्त्री पुष्पकमल दाहालले विपद्प्रति दुःख व्यक्त गर्दै तत्काल उद्धार र राहत कार्यमा लाग्न तीनवटै सुरक्षा निकायलाई निर्देशन दिएका छन् । प्रधानमन्त्री पुष्पकमल दाहाल प्रचण्डले शुक्रबार राति गएको भूकम्पमा भएको जनधनको क्षतिप्रति गहिरो दुःख व्यक्त गर्दै तत्काल उद्धार र राहतका लागि तीनवटै सुरक्षा निकायलाई परिचालन गरेका छन्,’ प्रधानमन्त्री कार्यालयबाट जारी विज्ञप्तिमा भनिएको छ ।
