कपिलवस्तु, १४ भदौ । नेकपा एमाले शिवराज नगरपालिका नगर कमिटीको दोस्रो नगर अधिवेशनबाट महादेव पोख्रेल अध्यक्ष पदमा निर्वाचित हुनु भएको छ । त्यस्तै उपाध्यक्षमा टेकलाल सापकोटा, सचिवमा रोसन एमसी, उपसचिवमा गोपालप्रसाद बन्जाडे, महिला उपसचिवमा शान्ता बिक निर्वाचित हुनु भएको हो ।
अध्यक्ष पदमा पोखरेल, सचिवमा एमसी र महिला उपसचिव र अन्य सदस्य पदमा सर्वसम्मत नेतृत्व चयन भएको हो भने उपाध्यक्ष पदमा मतदान भएको थियो । उपाध्यक्ष पदका उम्मेदवार टेकलाल सापकोटा ७९ मत सहित बिजयी हुनु भएको छ भने उहाँका प्रतिस्पर्धी ढुंण्डिराज अधिकारिले ४८ मत प्राप्त गर्नु भएको थियो ।
त्यस्तै उपसचिव पदमा गोपाल प्रसाद बन्जाडेले ८३ मत सहित बिजयी हुँदा उहाँका प्रतिस्पर्धी बेलसिंह रावतले २८ र राजकुमार यधा क्षेत्रीले १५ मत प्राप्त गर्नु भएको थियो । त्यस्तै लेखा आयोग अध्यक्षमा नारायण आचार्य, उपाध्यक्षमा घनश्याम बेल्बासे, सचिव पदमा रुद्र कार्की निर्वाचित हुनु भएको छ । हिजो भएको एमाले नगर अधिवेशनबाट ६३ सदस्यीय नगर कमिटी गठन भएको हो । निर्वाचित अध्यक्ष महादेव पोख्रेलले पार्टीको विधान अनुसार अघि बढ्ने प्रतिबद्धता जनाउँदै, पार्टीलाई थप सशक्त र संगठित बनाउने आफ्नो लक्ष्य रहेको बताउनुभयो । उहाँले नगरका कार्यकर्ताका आवश्यकताहरुलाई प्राथमिकता दिँदै पार्टीलाई बलियो बनाउने प्रतिज्ञा पनि गर्नुभयो।
