राष्ट्रपति रामचन्द्र पौडेलले नेपाली पत्रकारिता क्षेत्रले लोकतन्त्रको स्थापना र पुनस्र्थापनाका साथै आफ्नो पेशागत मूल्य र मान्यताप्रति जनतालाई जानकारी गराउन सक्रियता देखाएको बताए ।
देश कठिन समयबाट गुज्रिरहेको बेला मिडियाले यस्तो भूमिका खेलेको उनले बताए ।
राष्ट्रपति कार्यालय शीतल निवासमा शुक्रबार पत्रकारसँगको भेटमा उनले पत्रकारिता क्षेत्र लोकतन्त्रको आधारशिला भएको बताए ।
“सत्यको खोजी र सत्य सम्प्रेषण गर्नु सञ्चारमाध्यमको मुख्य चुनौती हो । सूचनाको निष्पक्षतालाई कमजोर पार्ने र झुटा सूचनालाई प्रवर्द्धन गर्ने अस्वस्थ प्रतिस्पर्धा भएको छ । यसबाट देशलाई हुनसक्ने नोक्सानीप्रति सजग रहन सञ्चार क्षेत्रलाई आग्रह गर्दछु ।” राष्ट्रपतिले भने।
पौडेलले मिहिनेतले कमाएको सङ्घीय, लोकतान्त्रिक र गणतन्त्रलाई सुदृढ गर्न, शान्ति, विकास, सुशासन र रुपान्तरणका लागि पत्रकारिता क्षेत्रले नयाँ समाचारलाई सही, सन्तुलित र जिम्मेवार ढङ्गले समाचार सम्प्रेषण गर्ने विश्वास व्यक्त गर्नुभयो ।
