खाँडाचक्र नगरपालिका–१ की ३५ वर्षीया कौसिला बादीले आफूलाई ३६ वर्षीय पति चिन बादीले कुटपिट गरी घर निकाला गरेको आरोपमा मङ्सिर २ गते जिल्ला प्रहरी कार्यालयमा उजुरी दिनुभएको छ ।
आरोपितले कात्तिक ३० गते चुक्कु प्रहार गरी घाइते बनाई घर छोड्न भन्दै मार्ने धम्की दिएर घर निकाला गरेपछि पीडितले आरोपितविरुद्ध उजुरी दिनुभएको हो ।
आरोपितको चक्कु प्रहार तथा कुटपिटबाट घाइते भएकी पीडित कौसिलाको जिल्ला अस्पताल कालिकोटमा उपचार भइरहेको छ ।
आरोपितविरुद्ध उजुरीपछि अनुसन्धानका लागि खोजी भइरहेको जिल्ला प्रहरी कार्यालयका प्रमुख डिएसपी अर्जुन केसिले बताउनुभयो ।
