लोक सारथी
स्वास्थ्य तथा जनसङ्ख्या मन्त्रालयले सन् २०२३ को सेप्टेम्बरसम्म डेङ्गु सङ्क्रमितको सङ्ख्या ३८ हजार नाघेको जनाएको छ ।
इपिडिमियोलोजी तथा रोग नियन्त्रण महाशाखाको तथ्यांकअनुसार हालसम्म ७६ जिल्लामा ३८ हजार ५९ जनामा संक्रमण फैलिएको छ । 2023 को मितिसम्म कुल मृत्यु 20 छ।
महाशाखाका निर्देशक डा रुद्र मरासिनीले डेंगुको सङ्क्रमण जारी रहेको र सङ्क्रमण थप बढ्ने खतरा रहेको बताए ।
प्रदेशगत तथ्याङ्कअनुसार सबैभन्दा बढी २३ हजार ९०५ (६२.०८ प्रतिशत) कोशी प्रदेशमा र सबैभन्दा कम कर्णालीमा १२८ (०.०३ प्रतिशत) सङ्क्रमित रहेका छन् ।
मधेस प्रदेशमा ५९० (१.०६), वाग्मती ४ हजार ८८३ (१२.०८ प्रतिशत), गण्डकी प्रदेश ६,८१८ (१७.०९ प्रतिशत), लुम्बिनी ६५५ (१.०७ प्रतिशत) र सुदूरपश्चिम प्रदेश १,०८० (२.०८ प्रतिशत) रहेको छ ।
जिल्ला अनुसार सबैभन्दा बढी सुनसरी जिल्ला (१६,०९६ वा ४२.३ प्रतिशत), त्यसपछि तनहुँ (४,६५१ वा १२.२ प्रतिशत), झापा (३,५८१ वा ९.४ प्रतिशत), धादिङ (३,१३० वा ८.२ प्रतिशत), मोरङ (२,२७४ केस वा ६ प्रतिशत), कास्की (१,४८१ केस वा ३.९ प्रतिशत) र काठमाडौं (८०२ केस वा २.१ प्रतिशत) छन् भने बाँकी जिल्लामा ६,०४४ वा १५.९ प्रतिशत केस छन्।
डेंगुका कुल सङ्क्रमितमध्ये अगस्टमा मात्रै १३ हजार ८४६ सङ्क्रमित भएका छन् । सेप्टेम्बरमा यो संख्या ११,५८० र अक्टोबर ११ सम्म ४,७९० थियो।
गत वर्ष अक्टोबरमा १७ हजार ८ सय ८९ डेंगुका बिरामी फेला परेको महाशाखाले जनाएको छ ।
