काठमाडौं- मेडिकल व्यावसायी दुर्गा प्रसाईंको नेतृत्वमा रहेको ‘राष्ट्र बचाऔं’ महाअभियानमा आवद्ध धर्म गुरु परिवारले सोमबार गौशलामा प्रदर्शन गरेको छ।
धर्म गुरु परिवारको प्रदर्शन र नारावाजीका कारण यतिबेला राजधानी काठमाडौंको गौशलास्थित सडकमा सवारी आवत-जावतमा समस्या भएको छ।
बाक्लो संख्या प्रदर्शनकारीहरुको जम्मा भएको भीडका कारण सवारी साधान दोहोरो रुपमा चल्न सकेका छैनन्।
मेडिकल व्यावसायी प्रसाईंले यही मंसिर ७ गतेदेखि ‘राष्ट्र, राष्ट्रियता र नागरिक बचाऔं’ महाअभियानको थालनी गरेका गरेका हुन्। त्यसयता सरकारको ‘नजरबन्द’का बाबजुद पनि उनी र उनका समर्थकले विभिन्न किसिमका आन्दोलनका कार्यक्रमहरूलाई निरन्तरता दिइरहेका छन्।
प्रसाईंले आन्दोलन सुरु गर्दाको दिन नेकपा एमाले निकट भातृ संगठन युवा संघ नेपालले पनि प्रदर्शन कार्यक्रम गरेको थियो।
