राष्ट्रिय योजना आयोगले १६औँ योजनाको तयारीका लागि छुट्टाछुट्टै टोली बनाएर प्रदेशस्तरीय छलफल सुरु गरेको छ ।
त्यसैको एक हिस्साका रूपमा आयोगले आज मधेश प्रदेशमा छलफल गर्दैछ । आयोगका प्रवक्ता यमलाल भुसालका अनुसार योजनाको मस्यौदामाथि छलफल गर्न आयोगको नेतृत्वमा सबै प्रदेशमा टोली परिचालन गरिएको छ ।
कर्णाली प्रदेशमा प्राकृतिक प्रकोपका कारण कार्यक्रम तत्कालका लागि स्थगित गरिएको हो । योजनाको अवधारणापत्र र पूर्ण दस्तावेजमा छलफल, सुझाव, परिमार्जन र स्वीकृत गर्न आयोगका उपाध्यक्ष डा मीनबहादुर श्रेष्ठको संयोजकत्वमा आयोगका सदस्यहरूको संयोजकत्वमा एक क्षेत्रीय उपसमिति, र महाशाखा प्रमुखको संयोजकत्वमा प्राविधिक समिति गठन गरिएको छ ।
प्रदेश सरकार, स्थानीय सरकार र निजी क्षेत्रबाट सुझाव संकलन गरी योजना तयार गर्ने छ । चालु आर्थिक वर्षको १५ औं योजना यसै आर्थिक वर्षमा सकिँदैछ ।
