झापाको दमक नगरपालिकास्थित भुटानी शरणार्थी शिविर सेक्टर बी (२) स्थित हट नम्बर २५२ मा बस्ने ७२ वर्षीय भुटानी शरणार्थी बुधबार स्थानीय हम्से दुम्से सामुदायिक वनमा मृत फेला परेका थिए ।
जिल्ला प्रहरी कार्यालयका अनुसार ती व्यक्ति मंगलबार दिउँसो दाउरा टिप्न जङ्गल गएका थिए तर साँझसम्म घर फर्केनन् । उक्त व्यक्तिलाई हात्तीले कुल्चीएको हुन सक्ने प्रहरीको अनुमान छ ।
मृतकको शव पोष्टमार्टमपछि आफन्तलाई बुझाइने प्रहरीले जनाएको छ । यो वर्ष झापामा हात्तीको आक्रमणबाट ६ जनाको मृत्यु भएको छ ।
