आज बिहान गएको भूकम्पका कारण धादिङको ज्वालामुखी गाउँपालिकाको कुमलटारीमा २० घर ध्वस्त भएका छन् भने थप ७५ वटा दरार परेका छन् ।
भूकम्पबाट भएको क्षतिको थप विवरण आउन बाँकी रहेको पूर्व वडाध्यक्ष कृष्णप्रसाद काप्रीले बताए । बारम्बार ४ रिक्टर स्केलको परकम्प गएपछि सर्वसाधारण घरबाहिर निस्किएको स्थानीय राजेश अधिकारीले बताए ।
जिल्ला प्रहरी कार्यालयका सूचना अधिकारी प्रहरी नायब उपरीक्षक सन्तुलालप्रसाद जैस्वारले दरार परेका घरको विवरण संकलनको काम भइरहेको बताए ।
धादिङ र आसपासका जिल्लालाई केन्द्रविन्दु बनाएर आज बिहान ६.१ रेक्टर स्केलको भूकम्प गएको छ ।
