Mon2024 May 20
२०८१ जेठ ०७, सोमबार

यू-१९ प्रिमियर कप : नेपालको खेल तालिका, लाइभ र समयको बारे जानकारी

11

काठमाडौं  – एसिसी यू१९ प्रिमियर कप बिहीबार देखी मलेसियामा सुरु हुँदैछ । यसअघि एसिसी इस्टर्न र वेस्टर्न रिजनको आधारमा हुने प्रतियोगिता यस वर्ष देखी प्रिमियर कप शैलीमा हुँदैछ ।

प्रिमियर कपमा एसियाका १६ एसोसिएट टोलीले प्रतिस्पर्धा गर्दैछन् । जसलाई चार समूहमा विभाजन गरिएको छ । शीर्ष तीन टोलीले आगमी डिसेम्बरमा पाकिस्तानमा हुने यू१९ एसिया कप खेल्न पाउनेछन् ।

भारत, पाकिस्तान, बंगलादेश, अफगानिस्तान र श्रीलंका भने एसिया कपमा सोझै छनोट भएका छन् । एसिया कप यू१९ विश्वकप अघिको तयारी हो । विश्वकप २०२४ जनवरीमा श्रीलंकामा हुनेछ । नेपालले पनि उक्त विश्वकप खेल्नेछ । विश्वकपमा नेपालको समूहमा पाकिस्तान, न्युजिल्यान्ड र अफगानिस्तान छन् ।

यू१९ प्रिमियर कपमा समूह :

समूह ए – नेपाल, बहराइन, साउदी अरेविया र इरान ।

समूह बी – युएई, ओमान, कतार र चीन ।

समूह सी – सिंगापुर, कुवेत, थाईल्यान्ड र माल्दिभ्स ।

समूह डी – हङकङ, मलेसिया जापान र इन्डोनएसिया ।

खेल – खेल ५० ओभरको हुनेछ ।

मैदान – मलेसिया तीन मैदानमा खेल हुनेछन् । बायोमास ओभल, वाईएसडी उकेएम ओभल र जेसीसी एकेडेमी ओभलमा हुनेछन् । खेल ५० ओभरको हुनेछ ।

शीर्ष तीन टोली एसिया कप :

हरेक समूहका शीर्ष टोली सेमिफाइनलमा पुग्नेछन् । फाइनलमा पुग्ने दुई टोली र तेस्रो स्थानमा रहने गरि तीन टोली एसिया कप खेल्नेछन् । तेस्रो स्थानको लागि सेमिफाइनलमा पराजित हुने टोलीबीच प्रतिस्पर्धा हुनेछ ।

लाइभ – लाइभ एसिसीको युटुब च्यानल वा मलेसिया क्रिकेट बोर्डको सामाजिक सञ्जाल मध्य एकबाट हेर्न मिल्नेछ । नेपालले खेल्ने सबै खेल बिहान ७ : १५ मा सुरु हुनेछन् ।

नेपालको खेल तालिका –

असोज २५ गते (अक्टोबर १२ ) – नेपालविरुद्ध इरान, वाईएसडी ओभल

असोज २८ गते (अक्टोबर १५) – नेपालविरुद्ध बहराइन, बायोमास ओभल

कार्तिक २ गते (अक्टोबर १९) – नेपालविरुद्ध साउदी अरेविया, वाईएसडी ओभल

सेमिफाइनल : कार्तिक ५ गते (अक्टोबर २२) ( पहिलो सेमिफाइनल समूह ए र डी को विजेता । दोस्रो सेमिफाइनल समूह बी र सी को विजेता ।

फाइनल – कार्तिक ७ (अक्टोबर २४) सेमिफाइनल विजेता । तेस्रो स्थानको लागि सेमिफाइनलमा पराजित हुने दुई टोली ।
उपाधिका प्रमुख दाबेदार – नेपाल र युएई

सेमिफाइनलका प्रमुख दाबेदार – नेपाल, युएई, हङकङ र कुवेत

नेपालको टोली :

आकाश त्रिपाठी, अर्जुन कुमाल, दीपक बोहरा, दीपक बोहरा, उत्तम थापामगर, दीपक ड्रुमे, दीपेश कंडेल, हेमन्त धामी, दुर्गेश गुप्ता, आकाश चन्द, देव खनाल(कप्तान), सुवास भण्डारी, विशाल केसी र मिलन बोहरा ।

वैकल्पिक खेलाडी : प्रज्वल थापा, विपिन रावल, निर्मल गुरुङ र राजेश यादव ।

यो समाचार पढेर हजुरलाई कस्तो लाग्यो ?

सम्बंधित खबर