Sun2024 May 19
२०८१ जेठ ०६, आइतबार

विश्वकप क्रिकेटमा आज सुपर शनिबार, अष्ट्रेलिया बंगलादेशसँग भिड्दैछ

7

नयाँ दिल्ली। आईसीसी विश्वकप क्रिकेट २०२३ को ४३ औं खेलमा आज अष्ट्रेलियाले बंगलादेशको सामना गर्दैछ । यो खेल पुणेको महाराष्ट्र क्रिकेट एसोसिएसन स्टेडियममा बिहान १०ः३० बजेबाट सुरु हुनेछ । आजको दोस्रो खेलमा पाकिस्तानले साविक विजेता इंग्ल्याण्डसँग कोलकातामा खेल्नेछ । कोलकाताको इडेन गार्डेन स्टेडियममा दिउँसो २ बजेदेखि पाकिस्तान र इंग्ल्याण्डको टोली भिड्नेछन् । पाकिस्तानलाई इंग्ल्याण्ड विरुद्ध ठूलो जित आवश्यक छ । सेमिफाइनलका लागि तीन टोलीको टुङ्गो लागेको छ तर चौथो टोली को हुने भन्ने टुंगो भने पाकिस्तान र इंग्ल्याण्डबीचको खेलले तय गर्नेछ । अष्ट्रेलियाको टोली बंगलादेशविरुद्धको जितको सिलसिलालाई कायम राख्न चाहन्छ । कंगारु टोली सेमिफाइनलमा प्रवेश गरेको छ भने बंगलादेशले जितसँगै प्रतियोगितालाई बिदाइ गर्न चाहन्छ ।

अष्ट्रेलियाले अन्तिम खेलमा अफगानिस्तानलाई ३ विकेटले पराजित गर्दै रोमाञ्चक जित दर्ता गरेको थियो । कांगारु अलराउन्डर ग्लेन म्याक्सवेलले अफगानिस्तानविरुद्ध अविश्वसनीय इनिङ खेलेका छन् । उक्त खेलमा म्याक्सवेलले २०१ रनको अविजित इनिङ्स खेल्दै अफगानिस्तानलाई जित दिलाएका थिए । आफ्नो अन्तिम लिग खेलमा पाकिस्तानले सेमिफाइनलको दौडबाट बाहिर रहेको इंग्ल्याण्डको सामना गर्नेछ । पाकिस्तान ४ जितबाट ८ अंकसहित अंक तालिकाको पाँचौं स्थानमा छ भने इंग्ल्याण्ड ६ अंकसहित सातौं स्थानमा छ । अष्ट्रेलिया १२ अंकका साथ सेमिफाइनलमा पुगेको छ जहाँ उसले दक्षिण अफ्रिकाको सामना गर्नेछ। सेमिफाइनलमा भारतीय टोलीले कुन टोलीसँग खेल्ने भन्ने निर्णय आज हुनेछ ।

यो समाचार पढेर हजुरलाई कस्तो लाग्यो ?

सम्बंधित खबर