गुल्मी, श्रावण २७, गुल्मी जिल्ला कालीगण्डकी गाउँपालिका वडा नम्बर ७,भुर्तुङ्ग नयाँगाउँ निबासी युवा व्यवसायी शक्ति खत्रीले श्री शिव आधारभूत बिद्यालय कालीगण्डकी ७, भुर्तुङ्ग नेटाका विद्यार्थीहरु लाई स्वर्गीय हजुरआमा अम्बकला खत्रीको वार्षिक पुण्य तिथिको अवसरमा पोसाक बितरण गरेका छन् ।
उक्त पोसाक बुवा खड्ग बहादुर खत्रीद्वारा बितरण गरिएको हो । शक्ति खत्री हाल विभिन्न ब्यवसाय संचालन गरी बुटवलमा रहेका छन् । खत्री यस विद्यालयका पूर्व विद्यार्थीसमेत हुन् । उक्त पोसाक बितरणसंगै प्रथम त्रैमासिक परीक्षाको नतिजा प्रकाशन र पुरस्कार वितरणसमेत गरिएको छ । विद्यालय , विद्यार्थीप्रति खत्रीले गरेको कार्य अतुलनीय रहेको विद्यालयका प्रधानाध्यापक मुकेश भट्टराईले बताउनु भयो ।
आफूले अध्ययन गरेको विद्यालयमा अध्ययनरत वर्तमान शैक्षिक सत्रका विद्यार्थीहरुलाई सहयोग गरी शिक्षाप्रतिको लगाव बढाउने उद्देश्यले पोसाक बितरण गरेको शक्तिले लोकसारथीलाई बताए ।
उत्कृष्ठ कार्य । सम्मान छ