एजेन्सी – टेस्ट टोली श्रीलंकाले यसै सातादेखी चीनमा सुरु हुने १९ औं एसियाली खेलकुदमा कमजोर टोली पठाउने भएको छ । अर्को महिना भारतमा हुने एकदिवसीय विश्वकपको कारण श्रीलंकाले कमजोर टोली पठाएको छ ।
सेहान अर्चाचिगेको कप्तानीमा श्रीलंकाले १५ सदस्य टोली पठाएको छ । एशान बन्डरा र अर्चाचिगे बाहेक अन्य चलेका नाम कम छन् । भारत र पाकिस्तानको तुलनामा निकै कमजोर टोली पठाएको छ ।
श्रीलंकाले सिधैं क्वाटरफाइनल खेल्नेछ । श्रीलंकासँगै भारत, पाकिस्तान, बंगलादेश र अफगानिस्तानले सिधैं क्वाटरफाइनल खेल्नेछन् । तीन समूहबाट शीर्ष तीन टोलीले क्वाटरफाइनलमा स्थान बनाउनेछन् । आठ टोली क्वाटरफाइनल, सेमिफाइनल हुँदै फाइनल खेल्नेछन् ।
प्रतियोगिता २३ सेप्टेम्बर देखी ८ अक्टोबर सम्म हुनेछ । नेपाल, मंगोलिया र माल्दिभ्स समूह ए मा छन् । नेपालले २७ सेप्टेम्बरमा मंगोलिया र १ अक्टोबरमा माल्दिभ्ससँग खेल्नेछ ।
श्रीलंकाको टोली :
लासिथ क्रोसफुल, शेभन ड्यानियल, एशान बन्डरा, सेहान अर्चाचिगे (कप्तान), एहान विक्रामासिंंगे, लाहिरु उडाना (विकेटकिपर), रविन्द्र फ्रेनान्डो, रानिथा लियानारची, नुवान्दु फ्रेनान्डो, सचिथा जयटिका, विजयकान्त व्यास्कान्त, निमेश मिभकुथी, लाहिरु समाराकुन, नुवान थुसारा र इसिथा विजेसन्दरा ।
