१७ वर्षीया बालिकालाई सामुहिक बलात्कार गरेको आरोपमा प्रहरीले भिमदत्त नगरपालिका–१९ बागफाँटाका २७ वर्षीय प्रेमप्रकास पाण्डेयलाई ०८० पुस १२ गते गिरफ्तार गरेको छ ।
बालिकालाई पुस ११ गते साँझको समयमा बलात्कार गरेको भन्दै पीडित पक्षले पुस १२ गते उजुरी दिएपछि आरोपित पाण्डेयलाई गिरफ्तार गरी अनुसन्धान भइरहेको र घटनामा संलग्न अर्का आरोपित फरार रहेकाले खोजीकार्य भइरहेको जिल्ला प्रहरी कार्यालय, कञ्चनपुरका डिएसपी प्रकाश डाँगीले बताउनु भयो ।
उल्टाखामबाट घर आइरहेको अवस्थामा बालिकामाथि सामुहिक बलात्कार भएकोले न्यायका लागि जिल्ला प्रहरी कार्यालयमा उजुरी दिएको पीडितकी आमाले इन्सेक प्रतिनिधिसँगको फोन सम्पर्कमा बताउनु भयो ।
पीडितको स्वास्थ्य परीक्षण पुस ११ गते महाकाली प्रादेशिक अस्पतालमा गरिएको छ ।
