एजेन्सी – स्पेनिस ला लिगामा साविक विजेता रियल म्याड्रिड हारबाट जोगिएको छ । लस पालसमसँग बिहीवार भएको खेलको दोस्रो हाफमा भिनिसियस जुनियरले पेनाल्टीमा गोल गरेपछि रियल १-१ को बराबरी गर्न सफल भएको थियो।
अल्बेर्टो मोलिइरोको गोलमा लस पालमसले पाँचौं मिनेटमा खेलमा अग्रता लिएको थियो। ६९ औं मिनेटमा जुनियरले पेनाल्टीमा बराबरी गोल फर्काएका थिए।एलेक्स सुआरेजको ह्यान्डबलपछि रियलले पेनाल्टी पाएको थियो।
योसँगै ला लिगामा रियलको अपराजित यात्रा ३५ खेल पुगेको छ। स्वभाविक प्रदर्शन गर्न नसकेको रियलका एन्ड्रिक र केलियन एमबाप्पे गोलको नजिक पुगेर पनि असफल भएका थिए।
पेरिस सेन्ट जर्मेनबाट यही सिजन रियल पुगेका एमबाप्पेले ला लिगामा ३ चरणका खेलसम्म सकिदा गोल गर्न सकेका छैनन्।
अन्त्यतिर जेइमी माटाको गोललाई अफसाइड लिएपछि लस पालमस जितबाट वन्चित भएको थियो।
अर्को खेलमा जिरोनाले ओसासुनामाथि ४-० को सहज जित हात पार्यो ।
