विराटनगर । इटहरीको अम्बे कोसी बचत तथा ऋण सहकारी संस्थाका अध्यक्षसहित पाँच जना पक्राउ परेका छन्। बचतकर्ताको रकम हिनामिना गरेको आरोपमा जिल्ला प्रहरी कार्यालय सुनसरीले उनिहरूलाई पक्राउ गरेको हो ।
पाँच जनामध्ये चार जनाको नाम प्रहरीले सार्वजनिक गरेको छ। जसमा सहकारीका अध्यक्ष फणीन्द्र मगर, सञ्चालकहरू सिला गजमेर, राहुल अग्रवाल र कुमार आले छन्।
बचतकर्ताहरूको करिब ४० करोड बचत रकम फिर्ता गर्न नसकेपछि पीडितहरूले जिल्ला प्रशासन कार्यालय सुनसरीमा गुहार मागेका थिए। प्रदेश सहकारी रजिस्ट्रार तथा प्रशिक्षण कार्यालयले सहकारीका अध्यक्षसहित सञ्चालकका विरुद्धमा ठगी मुद्दा दायर गरेपछि उनीहरूलाई शुक्रबार इटहरीका विभिन्न ठाउँहरूबाट प्रहरीले पक्राउ गरेको हो ।