हरेक विद्यार्थीको एउटा सपना हुन्छ—राम्रो देशको रोजगारमूलक शिक्षा लिने र भविष्य सुनिश्चित गर्ने। यस्तो मुलुकको डिग्री लिई बेरोजगार हुन नपरोस् भन्ने चाहना आम विद्यार्थीको हुन्छ। छोराछोरीको सपना पूरा गर्न अभिभावकहरू हरदम लागिपर्छन्। उनीहरू ऋण खोजेर वा जायजेथा बेचेर समेत सन्तानको भविष्य उज्ज्वल बनाउने प्रयास गर्छन्।
हाल विदेशमा पढ्ने र काम गर्ने योजना नेपाली विद्यार्थीहरूमा व्यापक रूपमा देखिएको छ। शिक्षा, विज्ञान तथा प्रविधि मन्त्रालयको तथ्याङ्कअनुसार गत वर्ष मात्रै १ लाख १० हजार विद्यार्थीले विदेश अध्ययनका लागि आवश्यक अनुमति पत्र (एनओसी) लिएका थिए। पछिल्लो चार महिनामा मात्र ३६ हजार विद्यार्थीले एनओसी लिएका छन्।
विदेश अध्ययनका लागि अष्ट्रेलिया, अमेरिका जस्ता देशहरू लोकप्रिय गन्तव्य बनेका छन्। पछिल्ला केही वर्षयता उत्तरी युरोपेली मुलुक फिनल्यान्ड समेत नेपाली विद्यार्थीहरूको रोजाइमा पर्दै गएको छ। संयुक्त राष्ट्रसंघीय दिगो विकास समाधान नेटवर्क (यूएन एसडीएसएन) को ह्याप्पिनेस रिपोर्ट अनुसार फिनल्यान्ड विश्वकै सबैभन्दा खुशी मुलुक हो। नेपाल भने ७८ औं स्थानमा छ।
फिनल्यान्डमा अध्ययन गर्न जाने विद्यार्थीको बढ्दो संख्या
शिक्षा मन्त्रालयको पछिल्ला तीन वर्षका तथ्याङ्कअनुसार नेपाली विद्यार्थीको आकर्षण फिनल्यान्डतर्फ बढ्दै गएको देखिन्छ।
- २०७७ साल : १६३ विद्यार्थी
- २०७८ साल : ४६१ विद्यार्थी (३ गुणा वृद्धि)
- २०७९ साल : ८५४ विद्यार्थी (दोब्बर वृद्धि)
- २०८० साल (पहिलो चार महिना) : १६८ विद्यार्थी
फिनल्यान्ड किन रोज्ने?
बानेश्वरस्थित ग्लोबल अपरच्युनिटिजका सञ्चालक सुन्दर चालिसेका अनुसार नेपाली विद्यार्थीलाई फिनल्यान्ड आकर्षक लाग्नुका विभिन्न कारणहरू छन्:
- डिग्री प्राप्त गरेपछि शैक्षिक ग्यापको समस्या नहुने।
- प्रथम वर्ष १५-५०% छात्रवृत्ति, उत्कृष्ट नतिजा ल्याए पूर्ण छात्रवृत्ति।
- बसाइ खर्चको लागि विश्वविद्यालयले ५,००० युरो (६.७५ लाख रुपैयाँ) उपलब्ध गराउने।
- श्रीमान-श्रीमती र बच्चालाई सहजै साथ लैजान सकिने।
- डिपेन्डेन्ट व्यक्तिले पूर्णकालीन रोजगारी गर्न पाउने।
- चार वर्षमा पढाइ पूरा गरेपछि पीआर पाउने सुविधा।
- पढाइपछि २ वर्षको वर्क भिसा, फुल टाइम काम गर्न सकिने।
- साप्ताहिक ३० घण्टा काम गर्न पाउने, घण्टाको न्यूनतम १० युरो ज्याला।
फिनल्यान्डका विश्वविद्यालयहरू
फिनल्यान्डमा १३ वटा जनरल विश्वविद्यालय र २२ एप्लाइड साइन्स विश्वविद्यालय छन्। जनरल विश्वविद्यालय अनुसन्धानमा केन्द्रित हुन्छन् भने एप्लाइड साइन्स विश्वविद्यालय सीपमूलक शिक्षा प्रदान गर्छन्।
भर्ना प्रक्रिया र आवश्यक योग्यता
फिनल्यान्डका विश्वविद्यालयहरूमा जनवरी र अगष्ट इन्टेक मार्फत विद्यार्थी भर्ना लिने व्यवस्था छ।
- अगष्ट इन्टेक : भर्ना प्रक्रिया जनवरी १७ भित्र पूरा गर्नु पर्ने।
- जनवरी इन्टेक : भर्ना प्रक्रिया अगष्ट भित्र पूरा गर्नु पर्ने।
- आवेदन पोर्टल : www.studyinfo.fi
- इंग्लिस दक्षता :
- स्नातक (Bachelors) : IELTS ६, PTE ५५
- स्नातकोत्तर (Masters) : IELTS ६.५, PTE ६२
- एप्लाइड साइन्स मास्टर्सका लागि २ वर्षको काम अनुभव आवश्यक।
फिनल्यान्ड अध्ययन खर्च
- ट्युसन फी : न्यूनतम ८,००० युरो (११.६ लाख) देखि १०,००० युरो (१४.५ लाख)
- बसाइ खर्च : ६,७२० युरो (९.७५ लाख)
- आम्दानी प्रमाण : अभिभावकको वार्षिक १८-२० लाख आम्दानी देखाउनु पर्ने।
भिसा प्रक्रिया
- आवेदन पोर्टल : https://enterfinland.fi
- बायोमेट्रिक/अन्तर्वार्ता : नेपालस्थित फिनल्यान्ड दूतावास https://finlandabroad.fi/web/npl/mission वा VFS Global मा सम्पर्क गर्नुपर्ने।
निष्कर्ष
फिनल्यान्डको उच्च शिक्षाले नेपाली विद्यार्थीहरूलाई ठूलो अवसर प्रदान गरिरहेको छ। छात्रवृत्ति, जागिरको अवसर, वर्क भिसा, डिपेन्डेन्ट सुविधा, पीआर प्राप्ति लगायत कारणले गर्दा फिनल्यान्ड पढ्न चाहने विद्यार्थीको संख्या बढ्दै गएको छ। यदि तपाईं फिनल्यान्ड जान इच्छुक हुनुहुन्छ भने अगष्ट २०२४ इन्टेकको लागि जनवरी १७ भित्र आवेदन दिनुहोस। थप जानकारीका लागि बानेश्वरस्थित ग्लोबल अपरच्युनिटिज नेपाल कन्सल्टेन्सी सम्पर्क गर्न सक्नुहुन्छ।
