नेपाल आज आईसीसी पुरुष क्रिकेट विश्वकप लिग–२ अन्तर्गत संयुक्त अरब इमिरेट्स (यूएई) सँग खेल्दैछ।

५० ओभरको यो खेल दुबईस्थित आईसीसी एकेडेमी मैदानमा भइरहेको छ र आज दिउँसो ११:१५ बजे (नेपाली समयानुसार) सुरु हुने तालिका रहेको छ।

लिग–२ अन्तर्गत दुवै टोलीले अहिलेसम्म १७–१७ खेल खेलेका छन् र अंकतालिकाको तलका दुई स्थानमा रहेका छन्। नेपाल १२ अंकका साथ सातौँ स्थानमा रहेको छ भने यूएई ६ अंकका साथ आठौँ स्थानमा छ। यसअघि २२ खेल खेलिसकेको अमेरिकाले ३४ अंकसहित शीर्ष स्थान कायम राखेको छ।

गत अक्टोबर २६ मा भएको खेलमा नेपाल अमेरिकासँग १०६ रनले पराजित भएको थियो।

रोहित पौडेलको कप्तानीमा रहेको नेपाली राष्ट्रिय टोलीलाई अष्ट्रेलियाली पूर्व–क्रिकेटर स्टुअर्ट ल’ (Stuart Law) ले प्रशिक्षित गरिरहेका छन्। (रासस)