६ फागुन, लमही – दाङको लमही नगरपालिका–५ स्थित अजम्मरी सामुदायिक वन क्षेत्रमा एक पुरुषको शव फेला परेको छ। ४१ वर्षीय योगेन्द्र बहादुर खत्री, जो लमही नगरपालिका–५ रातोडाँडा निवासी हुन्, मृत अवस्थामा भेटिएको जिल्ला प्रहरी कार्यालय, दाङ ले जानकारी दिएको छ।

प्रहरीका अनुसार मृतक खत्री गत मंगलबारदेखि सम्पर्कविहीन थिए। परिवारले खोजतलास गरिरहेका बेला सामुदायिक वनभित्र खोल्सामा पल्टिएको अवस्थामा सोमबार अपराह्न शव फेला परेको हो।

गाईबाख्रा चराउन गएका गोठालाले शव देखेपछि प्रहरीलाई खबर गरेका थिए। हाल शव पोस्टमार्टमका लागि लमही अस्पताल पठाइएको छ भने घटनाको बिस्तृत अनुसन्धान भइरहेको प्रहरीले जनाएको छ।