चीनमा फैलिएको एचएमपीभी भाइरस भारतमा पुगेको छ। 

यसको पहिलो संक्रमित बेंगलुरुमा फेला परेको भारतीय सञ्चारमाध्यमले जानकारी दिएका छन्। जानकारी अनुसार आठ महिनाकी बालिकामा यो संक्रमण देखिएको हो। राज्यको स्वास्थ्य विभागले अस्पतालको प्रयोगशालामा गरिएको परीक्षणमा एचएमपीभी भाइरस पुष्टि भएको जानकारी दिएको छ। 

कर्नाटक स्वास्थ्य विभागले केन्द्र सरकारलाई यसबारे जानकारी गराएको भनेको छ। 

बालबालिका, रोगप्रतिरोधात्मक क्षमता कमजोर भएका व्यक्तिहरू, र वृद्धहरू यसका लागि संवेदनशील छन्, र उनीहरूमा अन्य श्वासप्रश्वाससम्बन्धी भाइरसको समेत संक्रमण हुने सम्भावना बढी हुन्छ। HMPV ले प्रायः सामान्य रुघाखोकीजस्ता लक्षण देखाउँछ, जसमा खोकी, ज्वरो, नाक बन्द हुने र सास फेर्न गाह्रो हुने (सिटी) समावेश हुन्छ। तर कहिलेकाहीं यसले गम्भीर अवस्थामा ब्रोंकाइटिस र निमोनियासम्म निम्त्याउन सक्छ,” चीनको CDC ले भन्यो।

CDC ले थप भन्यो, “न्यून रोगप्रतिरोधात्मक क्षमता भएका व्यक्तिहरूमा, जसलाई पहिले नै अन्य स्वास्थ्य समस्या छन्, HMPV को संक्रमणले मृत्यु समेत गराउन सक्छ। २०२१ मा ल्यान्सेट ग्लोबल हेल्थ मा प्रकाशित एक लेखका अनुसार, पाँच वर्षमुनिका बालबालिकामा देखिने तीव्र तल्लो श्वासप्रश्वास संक्रमणसँग सम्बन्धित मृत्युको एक प्रतिशत HMPV का कारण हुनसक्छ। हालका दिनमा, HMPV विरुद्ध कुनै खोप वा प्रभावकारी औषधि उपलब्ध छैन, र उपचार मुख्यतः लक्षणहरू कम गर्नमा केन्द्रित छ।
रासस