लोकसारथि संवाददाता, काठमाडौं ।

चितवनको मुग्लिन–नारायणगढ सडकखण्ड अन्तर्गत तुइन खोलानजिकै पहिरो खस्दा सडक अवरुद्ध भएको छ । गएराति करिब ९ बजे खसेको पहिरोका कारण सवारी आवागमन दुवैतर्फ रोकिएको हो ।

सडक डिभिजन कार्यालय भरतपुरका अनुसार पहिरो हटाएर केही समयका लागि एकतर्फी आवागमन खुलाइएको थियो । तर माथिबाट फेरि पहिरो खसेपछि सडक पुनः दुईतर्फी नै बन्द भएको छ ।

इलाका प्रहरी कार्यालय मुग्लिनले बिहानैदेखि पहिरो हटाउने कार्य सुरु गरिएको जनाउँदै सडक सञ्चालनमा आउन कम्तीमा २ घण्टा लाग्ने अनुमान गरेको छ ।