कार्तिक २६, रुपन्देही । पूर्वी नवलपरासीको बुलिङटार गाउँपालिका मालडाँडाबाट कावासोती जाँदै गरेको लु १ ज ३२७० नम्बरको जिप आज बिहान साढे ११ बजे  दुर्घटना हुँदा ६ जनाको घटनास्थलमै मृत्यु भएको थियो भने एक जनाको उपचारको क्रममा चितवनको भरतपुरमा रहेको पुरानो मेडिकल कलेजमा मृत्यु भएको हो। जिल्ला प्रहरी कार्यालय पूर्वी नवलपरासीका सुचना अधिकारी प्रहरी नायव उपरिक्षक बेद बहादुर पाडेलका अनुसार उक्त दुर्घटनामा परी मृत्यु हुनेको संख्या अब ७ पुगेको छ।

आउँदै गरेको तिहारको मुखमा यसरी दुर्घटना हुदा मृतक परिवारमा शोक छाएको छ। जिपमा सवार ७ यात्रु मध्ये ६ जनाको घटनास्थलमै र एक जनाको उपचारको क्रममा मृत्यु भएको छ प्रहरी नायव उपरिक्षक पौडेलले भने।  उनका अनुसार मृतकहरु बौद्धीकाली गाउपालिका वडा नं ६ का जिप चालक छनबहादुर आले, सोही ठाउ बस्ने कुमारी राना, माझडाडा बस्ने टेकमान वान्टकी मगर, बुलिङटार  वडा नं ४ चुलीबोझ बस्ने करिस्मा ठाडा रहेका छन् भने २ जनाको सनाखत हुन सकेको छैन्।  देवचुली नगरपालिका वडा नं ९ स्थित एस मोडमा चालकले गाडी घुमाउन नसक्दा स्थानीय ओम बहादुर अधिकारीको निर्माणाधिन घरमा गएर ठोक्किएको प्रहरी नायव उपरिक्षक पौडेलले बताए।  ‘तिव्र गतिका कारण दुर्घटना भएको देखिन्छ। घुम्तीमा घुमाउन नसकेर घरमा गएर बजारिएको छ,’ उनले भने।