– लोकसारथि संवाददाता, लुम्बिनी ।
तिलोत्तमा नगरपालिकाले नगरपालिका र मातहतका कार्यालयहरूमा सेवा प्रवाहलाई सहज बनाउनका लागि Municipal Internship Program सञ्चालन गर्ने भएको छ। यस कार्यक्रमअन्तर्गत २० जना इन्टर्न लिने योजना सार्वजनिक गरिएको छ।
नगरपालिकाले २०७८/८१ को वार्षिक नीति तथा कार्यक्रम र बजेट बमोजिम सार्वजनिक सेवा उत्प्रेरणालाई प्रोत्साहन गर्ने उद्देश्यले इन्टर्नसिप कार्यक्रम ल्याएको हो। इन्टर्नसिपका लागि तिलोत्तमा नगरपालिका भित्र स्थायी बसोबास गर्ने युवाहरूले आवेदन दिन सक्नेछन्।
आवश्यक न्यूनतम योग्यता:
-
नेपाल सरकारबाट मान्यता प्राप्त संस्थाबाट कम्तीमा प्रवीणता प्रमाणपत्र तह उत्तीर्ण गरेको हुनुपर्ने,
-
३ महिनाको Basic Computer Training Certificate प्राप्त गरेको हुनुपर्ने,
-
दरखास्त दिने अन्तिम मितिसम्म उमेर १८ वर्ष पुरा भई ३५ वर्ष ननाघेको, महिलाको हकमा ४० वर्ष ननाघेको हुनुपर्ने,
-
तिलोत्तमा नगरपालिका भित्र स्थायी बसोबास गरेको प्रमाण (बसाई सराई दर्ता प्रमाणपत्र वा विवाह दर्ता प्रमाणपत्र) अनिवार्य।
आवेदन प्रक्रिया:
-
इच्छुक उम्मेदवारले jobs.tilottamamun.gov.np मार्फत निःशुल्क अनलाइन आवेदन दिन सक्नेछन्।
-
आवेदन दिने अन्तिम मिति २०८२ बैशाख १३ गते तोकिएको छ।
अपलोड गर्नुपर्ने कागजातहरू:
-
नेपाली नागरिकताको प्रतिलिपि (दुवै भाग),
-
शैक्षिक योग्यताको प्रमाणपत्र,
-
चारित्रिक प्रमाणपत्र,
-
पासपोर्ट साइज फोटो,
-
३ महिनाको कम्प्युटर तालिम प्रमाणपत्र,
-
स्थायी बसोबास प्रमाण (बसाई सराई वा विवाह दर्ता),
-
हस्ताक्षरको स्क्यान प्रतिलिपि।
छनोट प्रक्रिया:
-
संक्षिप्त सूची प्रकाशन र अन्तर्वार्तामार्फत छनोट गरिनेछ।
-
अन्तर्वार्ताको मिति संक्षिप्त सूची प्रकाशित गर्दा जानकारी गराइनेछ।
इन्टर्नसिपको अवधि र सेवा सुविधा:
-
इन्टर्नसिपको अवधि कार्यालयको नियमअनुसार हुनेछ।
-
यो कार्यक्रम पारिश्रमिक नभएको स्वयंसेवी सेवा हो। यातायात तथा खाजा खर्च भने पछिको निर्णय अनुसार प्रदान गरिने नगरपालिकाले जनाएको छ।
यस इन्टर्नसिप कार्यक्रममार्फत तिलोत्तमाका युवाहरूलाई सार्वजनिक सेवाको अनुभव र अभ्यासमा सहभागी गराउने लक्ष्य लिएको नगरपालिकाले स्पष्ट पारेको छ।
अधिक जानकारीको लागि: ०७१–५६२९७९
Website: tilottamamun.gov.np
लोकसारथि डिजिटलमा यस्ता नै अपडेटका लागि हामीलाई पछ्याइरहनुहोस्।
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.