लोकसारथि डेस्क । तिते करेलाको स्वाद सबैलाई मन नपर्न सक्छ, तर यसमा पाइने गुण र पोषकतत्व अरू कुनै तरकारीमा विरलै पाइन्छन्। यसमा भिटामिन–C, आइरन, जिंक, पोटासियम, म्याङ्गेनीजजस्ता महत्वपूर्ण पोषकहरू पाइन्छन्। तिते करेला मधुमेह (डायबिटिज) रोगीहरूका लागि त वरदान नै मानिन्छ। यसले तौल घटाउन, कोलेस्टेरोल कम गर्न, र मेटाबोलिज्मलाई तीव्र बनाउन पनि सहयोग पुर्‍याउँछ।

तर यति धेरै फाइदा हुँदाहुँदै पनि करेलासँग केही विशेष खाद्यपदार्थहरू सेवन गर्नु स्वास्थ्यका लागि हानिकारक हुन सक्छ। त्यसैले तिते करेला सेवन गर्दा तल उल्लेखित खानेकुरा एकसाथ नखाने हो भने मात्र तपाईं यसको सम्पूर्ण फाइदा लिन सक्नुहुन्छ।

१. दूध

दूध स्वास्थ्यका लागि सदैव लाभदायक मानिन्छ। तर यदि तपाईंले करेला खाएपछि वा करेलाको जुस पिएपछि दूध पिइहाल्नुभयो भने यसले पेटमा जलन, अपच, वा कब्जियतजस्ता समस्याहरू ल्याउन सक्छ। यसैले करेलापछि दूध सेवन नगर्नु राम्रो।

२. आँप

गर्मीको मौसममा आँप सबैले मन पराउँछन्। तर करेलासँग आँप खानु स्वास्थ्यका लागि ठीक हुँदैन। यसले एसिडिटी, पेटमा जलन, वाकवाकी लाग्ने, जठराग्निमा गडबडी जस्ता समस्या निम्त्याउन सक्छ। भोक लाग्दैन । पेट फुलेको अनुभूति हुन्छ ।

३. मुला

करेला खाएपछि मुला नखाने सल्लाह दिइन्छ। वास्तवमा, करेला र मुलाको प्रभाव एक–अर्कासँग भिन्न हुन्छ। यी दुवैसँगै खाँदा शरीरमा कफ, ग्यास र अपचको समस्या हुन सक्छ।

४. भिन्डी (ओक्रा)

कहिलेकाहीं मानिसहरूले करेला र भिन्डी एकसाथ पकाएर खाने गर्छन्। तर यस्तो गर्नाले पेट दुख्ने, ग्यासको समस्या हुने, वा पाचन प्रणालीमा खराब असर पर्न सक्छ।

५. दही

करेला र दही दुबै स्वास्थ्यका लागि लाभदायक मानिन्छ। तर यी दुबैलाई एउटै समयमा वा एउटै खाना सँगै सेवन गर्नु त्वचासम्बन्धी समस्याहरू निम्त्याउन सक्छ। यसले एलर्जी, र्‍यास वा चिलाउने जस्ता समस्या ल्याउन सक्छ।

निष्कर्ष:
तिते करेलालाई तपाईंको आहारमा समावेश गर्नु स्वास्थ्यका लागि अत्यन्त लाभदायक हुन्छ, तर यससँग कुन–कुन खाद्यपदार्थ एकसाथ खानु हुँदैन भन्ने जान्न जरुरी छ। त्यसैले माथि उल्लेखित खाद्य वस्तुहरू करेलासँग सेवन नगर्नुहोस् र स्वस्थ रहनुहोस्।