मुंबई – सन् २०२५ मा हुने प्रयागराजको महाकुम्भमा माला बेच्ने एक साधारण युवती अहिले देशभर चर्चाको विषय बनेकी छिन्। ती युवती अरु कोही नभई, भाइरल गर्ल मोनालिसा हुन्। उनले आफ्नो सादगीपूर्ण मुस्कान र स्वाभाविक सौन्दर्यबाट कुम्भमा श्रद्धालुहरूको मन जितेकी मात्र होइन, अहिले ग्ल्यामर संसारमा समेत धमाका मच्चाइरहेकी छिन्।

केवल केही महिनामा, माला बेच्ने मोनी भोंसले अहिले एक म्युजिक भिडियोकी मुख्य अभिनेत्री बनेकी छिन्।

साधारणदेखि भाइरलसम्मको यात्रा

मध्यप्रदेशको इन्दौर निवासी मोनालिसा प्रयागराजको कुंभ मेलामा रुद्राक्ष र मोतीका माला बेच्ने गर्थिन्। तर, उनकी सादगी र आकर्षक व्यक्तित्वले त्यहाँ पुगेका श्रद्धालु र सामाजिक सञ्जाल प्रयोगकर्ताहरूको ध्यान खिच्यो। केही तस्बिरहरू भाइरल भए, अनि उनी देशभर चर्चामा आइन।

पहिलो म्युजिक भिडियो ‘सादगी’ सार्वजनिक

मोनालिसाको पहिलो म्युजिक भिडियो ‘सादगी’ सार्वजनिक भइसकेको छ, जसमा उनले अभिनेता उत्कर्ष सिंहसँग स्क्रिन सेयर गरेकी छिन्। यो रोमान्टिक ट्र्याक सार्वजनिक भएलगत्तै सामाजिक सञ्जालमा छाएको छ। चार घण्टामै उक्त गीतले ३३ हजारभन्दा बढी भ्युज र ६ हजारभन्दा बढी लाइक्स बटुलिसकेको छ।

भिडियोमा मोनालिसा कहिले दुलहीको पोशाकमा, त कहिले पारम्परिक लुगामा देखिन्छिन्। उनका एक्सप्रेसन, आँखाको भाषा र मासूम भावनाले दर्शकलाई मोहित पारेको छ।

सामाजिक सञ्जालमा प्रशंसा र प्रेम

मोनालिसाको प्रशंसा सामाजिक सञ्जालमा व्यापक रूपमा भइरहेको छ। एक युजरले लेखे, “म त यो गीत हेर्ने प्रतीक्षा मात्र मोनालिसालाई हेर्नकै लागि गर्दै थिएँ।” अर्कोले भने, “गीत धेरै राम्रो छ, र मोनालिसाको लागि त बिलकुल उपयुक्त पनि।” अर्का युजरले लेखे, “तपाईंको सादगीमै तपाईंको साँचो सौन्दर्य लुकेको छ।”

अब फिल्ममा पनि देखिने सम्भावना

जानकारी अनुसार, म्युजिक भिडियोपछि मोनालिसालाई फिल्मी अफरहरू पनि आउन थालेका छन्। उनी चाँडै ‘द डायरी अफ मणिपुर’ नामक चलचित्रमार्फत अभिनय यात्रा सुरू गर्न सक्छिन्। केही समयअघि उनी नेपाल यात्रामा पनि गएकी थिइन्, जसका कारण यस्तो अनुमान गरिएको छ कि उनी अन्तर्राष्ट्रिय प्रोजेक्टमा समेत काम गर्दैछिन्।

सादगी, स्वाभाविकता र मेहनतले सफलताको ढोका कसरी खोल्न सक्छ भन्ने जीवित उदाहरण बनेकी छन् मोनालिसा — एक माला बेच्ने युवतीदेखि देशभरका मन जित्ने कलाकारसम्मको यो यात्रा प्रेरणादायी छ।