लोकसारथि संवाददाता, काठमाडौं ।

नेपालमा वर्षायाम सुरु भएसँगै जङ्गली च्याउ सेवनबाट हुने विषाक्तता र मृत्युका घटना बढ्न थालेका छन् । दुई दिनअघि Jhapa District मा एउटै परिवारका नौ बालबालिकासहित ११ जना जङ्गलबाट ल्याइएको च्याउ खाएपछि बिरामी परेका थिए । समयमै अस्पताल पु¥याइएकाले मानवीय क्षति भने भएन ।

च्याउ विज्ञहरूका अनुसार आगामी दिनमा यस्ता घटना अझ बढ्ने सम्भावना छ । नेपालमा हरेक वर्ष तीन दर्जनभन्दा बढी मानिसको जङ्गली च्याउ विषाक्तताबाट मृत्यु हुने र सयौँ बिरामी पर्ने अनुमान गरिए पनि यसको आधिकारिक तथ्याङ्क भने सरकारसँग छैन ।

National Disaster Risk Reduction and Management Authority ले जङ्गली च्याउ विषाक्ततालाई विपद्को श्रेणीमा नराखिएकाले छुट्टै अभिलेख नराखिएको जनाएको छ । विज्ञहरूका अनुसार खाद्य अभावका कारण जङ्गल आसपास बसोबास गर्ने विपन्न समुदाय बढी जोखिममा पर्ने गरेका छन् ।

अध्ययनअनुसार नेपालमा १,२९१ प्रजातिका जङ्गली च्याउ पाइन्छन्, जसमध्ये १०० भन्दा बढी विषालु छन् । चिकित्सकहरूले पकाउँदा पनि विष नष्ट नहुने भएकाले जङ्गली च्याउ सेवन नगर्न आग्रह गरेका छन् ।

विषालु च्याउ सेवनपछि पेट दुख्ने, बान्ता हुने, पखाला लाग्ने, मिर्गौला तथा कलेजोमा गम्भीर असर पर्ने र ज्यानसमेत जान सक्ने चिकित्सकहरूको चेतावनी छ । उनीहरूले यस्ता लक्षण देखिए तत्काल अस्पताल पुग्न सुझाव दिएका छन् ।