– लोकसारथि संवाददाता, काठमाडौं ।

संस्कार, श्रद्धा र पारिवारिक एकताको प्रतीकस्वरूप रामदाम कुलपूजा तथा पुर्खाको मूर्तिको अनावरण र शिलालेख सार्वजनिक कार्यक्रम यही २०८२ साल जेठ २८ गते, बुधबार सिद्धार्थनगर नगरपालिका–४, दोगहरा, रामदाम कुल मन्दिर परिसरमा आयोजना हुने भएको छ।

रामदाम सेवा समाज, भैरहवाको आयोजनामा हुने यस विशेष कार्यक्रममा देश–विदेशमा रहेका सम्पूर्ण रामदाम परिवार, दाजुभाइ तथा कुलबन्धुलाई उपस्थितिका लागि हार्दिक निमन्त्रण गरिएको छ।

कार्यक्रमका मुख्य अङ्गहरू

कार्यक्रममा

• कुल पूजन विधि,

• पुर्खाको मूर्तिको अनावरण,

• शिलालेख सार्वजनिक समारोह,

• सामूहिक प्रसाद तथा भेटघाट कार्यक्रम
  समेत समावेश गरिने आयोजकहरूले जनाएका छन्।

कार्यक्रम विवरण

• मिति: २०८२ जेठ २८ गते, बुधबार

• स्थान: रामदाम कुल मन्दिर, दोगहरा, सिद्धार्थनगर–४, भैरहवा

• समय: बिहान ८ बजेदेखि सुरु

आयोजकको आग्रह

कुलपूजा संयोजक हरिकुमार रामदाम (फोन: ९८११९७११५६) र अध्यक्ष गोपाल रामदाम (फोन: ९८५७०२०५४५) ले रामदाम वंशज सबैलाई यो पवित्र परम्परालाई अझ जीवन्त बनाउँदै एकआपसको आत्मीयता बलियो बनाउने अवसरका रूपमा लिन आग्रह गरेका छन्।

रामदाम सेवा समाज, भैरहवाका अनुसार, उक्त कार्यक्रमले जातीय गौरव, सांस्कृतिक सम्पदा र पुर्खाप्रतिको श्रद्धा अभिव्यक्त गर्ने एक ऐतिहासिक अवसरको रूपमा लिइएको छ।

सहभागितामार्फत आत्मीयता र संस्कारलाई सुदृढ बनाउने यो अवसरमा सबैको गरिमामय उपस्थितिका लागि आयोजक परिवारको हार्दिक आग्रह छ।