गीत

मातापिताको स्नेह प्रेमले छोरा तिमी हुर्किएका हौ
प्रकृतिको पवित्र विधानले फूल जस्तै फक्रिएका हौ
छोराबुहारी सँगै मिलेर दुःखको गर्नु सामना
वैवाहिक जीवनको छोरालाई शुभकामना
दाम्पत्य जीवनको बुहारीलाई शुभकामना

पाएउ तिमीले हजुरबुबाको सुसार
पाएउ तिमीले हजुरआमाको प्यार
आफ्नो जिम्मेवारी नबिर्स तिमी बना ज्ञानी
देवी जस्ती आमा पाएउ रैछौ भाग्यमानी
आमाकै संस्कारले छोरा तिमी यसरी सप्रिएका हौ
प्रकृतिको पवित्र विधानले फूल जस्तै फक्रिएका हौ
छोराबुहारी सँगै मिलेर दुःखको गर्नु सामना
वैवाहिक जीवनको छोरालाई शुभकामना
दाम्पत्य जीवनको बुहारीलाई शुभकामना

जन्मिँदै ल्याएका छौँ फर्किजाने मिति
भेट हाम्रो हुँदैन यस्तै हो दैवको रीति
चिन आफ्नो को हो दुःख पाइन्छ सानो भुल ले
स्वार्थ पुरा भयो भने यहाँ बन्छन् सबै साखुल्ले
मतलब पुरा हुँदा छोरा तिमी आफन्त ठह रिएका हौ
प्रकृतिको पवित्र विधानले फूल जस्तै फक्रिएका हौ
छोराबुहारी सँगै मिलेर दुःखको गर्नु सामना
वैवाहिक जीवनको छोरालाई शुभकामना
दाम्पत्य जीवनको बुहारीलाई शुभकामना

छोरालाई बुहारी तिम्रै जिम्मा लायौँ
घरको इज्जत सारा तिमीलाई सुम्पिदियौँ
स्वार्थी संसार हो तिमीले बाहिरीको कुरा नसुन्नु
आफ्नो श्रीमानको रक्षालाई पहिलो कर्तव्य ठान्नु
तिमीहरु एकअर्काकालागि यो धर्तीमा उत्रिएका हौ
प्रकृतिको पवित्र विधानले फूल जस्तै फक्रिएका हौ
छोराबुहारी सँगै मिलेर दुःखको गर्नु सामना
वैवाहिक जीवनको छोरालाई शुभकामना
दाम्पत्य जीवनको बुहारीलाई शुभकामना

कुनै हालमा नछोडा आफ्नो मूल संस्कार
सत्यमा रहेर गर्नु हाम्रो वंशको विस्तार
सफलता र सुख पाउँदा गर्नुहुन्न अहँकार
कर्तव्यको सम्बन्धलाई नबनाऊ स्वार्थको व्यापार
सतकर्म सँगै गर तिमीहरु कृष्णद्वारा मन्त्रिएका हौ
प्रकृतिको पवित्र विधानले फूल जस्तै फक्रिएका हौ
छोराबुहारी सँगै मिलेर दुःखको गर्नु सामना
वैवाहिक जीवनको छोरालाई शुभकामना
दाम्पत्य जीवनको बुहारीलाई शुभकामना
मातापिताको स्नेह प्रेमले छोरा तिमी हुर्किएका हौ
प्रकृतिको पवित्र विधानले फूल जस्तै फक्रिएका हौ
छोराबुहारी सँगै मिलेर दुःखको गर्नु सामना
वैवाहिक जीवनको छोरालाई शुभकामना
दाम्पत्य जीवनको बुहारीलाई शुभकामना
वैवाहिक जीवनको वरवधुलाई शुभकामना

भावार्थ

यो गीत समग्रमा एक अभिभावकको हृदयबाट उम्लिएको आशीर्वाद, जीवनदर्शन र दाम्पत्य यात्राका लागि मार्गनिर्देशन हो। यसले छोराको बाल्यकालदेखि युवावस्थासम्मको यात्रा सम्झाउँदै सुरुआत गर्छ—मातापिताको स्नेह, हजुरबा–हजुरआमाको माया, परिवारले दिएको संस्कार र संरक्षणले ऊ आजको अवस्थामा पुगेको हो भन्ने भाव यसमा गहिरो रूपमा व्यक्त छ। जीवन केवल व्यक्तिगत उपलब्धि होइन, पुस्तौँदेखिको माया, त्याग र संस्कारको निरन्तरता हो भन्ने चेतना यस गीतको आधार हो। विवाहपछि छोराले नयाँ जिम्मेवारी ग्रहण गरेको छ र बुहारी परिवारको सम्मानित सदस्यका रूपमा घरमा प्रवेश गरेकी छिन् भन्ने भावले गीत अघि बढ्छ। दाम्पत्य जीवनलाई फूलजस्तै फक्रिने पवित्र सम्बन्धका रूपमा चित्रित गर्दै सुख–दुःखमा सँगै उभिन, बाहिरी प्रभाव र स्वार्थी संसारका कुराले विचलित नहुन, एकअर्काको रक्षा र सम्मानलाई पहिलो कर्तव्य मान्न प्रेरित गरिएको छ।

गीतले जीवन क्षणभंगुर छ, जन्मिँदै फर्किने मिति तय भएर आएको हुन्छ भन्ने यथार्थ पनि स्मरण गराउँछ। त्यसैले अहंकार होइन, कर्तव्य, सत्य र सत्कर्मको बाटो समाउनुपर्ने सन्देश दिन्छ। परिवारको इज्जत, मूल संस्कार र वंशको गरिमा जोगाउँदै अगाडि बढ्नुपर्ने चेतावनी यसमा छ। सम्बन्धलाई व्यापार नबनाउन, स्वार्थभन्दा माथि उठेर कर्तव्यलाई प्राथमिकता दिन, सफलता र सुख प्राप्त हुँदा पनि नम्र रहन र आध्यात्मिक आधारमा जीवन जिउनुपर्ने गहिरो आग्रह यस गीतले गर्दछ। यसले दाम्पत्य सम्बन्धलाई केवल सामाजिक सम्झौता नभई आध्यात्मिक सहयात्रा मानेको छ—दुई आत्मा एक उद्देश्यका लागि धर्तीमा आएका छन् भन्ने भाव यसमा प्रकट हुन्छ।

यस प्रकारको भावनात्मक, संस्कारयुक्त र उत्तरदायी सन्देश बोकेको गीत छोराको विवाह, प्रीतिभोज, आशीर्वाद कार्यक्रम वा परिवारिक समारोहमै विशेष सान्दर्भिक हुन्छ। विवाह केवल उत्सव होइन, जिम्मेवारी र मूल्यको नयाँ अध्याय हो भन्ने कुरा यस्ता शब्दहरूले दम्पतीलाई सम्झाउँछन्। समारोहमा यस्ता सन्देशमूलक गीत बजाउँदा वातावरण केवल रमाइलो मात्र हुँदैन, अर्थपूर्ण पनि बन्छ। अभिभावकको आशीर्वाद, परम्पराको निरन्तरता र भविष्यप्रतिको शुभेच्छा एकैसाथ व्यक्त हुने भएकाले यस्तो गीतलाई विवाह अवसरमा बजाउनु उपयुक्त र गरिमामय मानिन्छ।

भिडियो