लोकसारथि, माघ २० । लुम्बिनी प्रदेश सरकार (मन्त्रिपरिषद्) को मिति २०८० साल फागुन २० गतेको निर्णयानुसार भोलि माघ २१ गते सोमबार लुम्बिनी प्रदेश स्थापना दिवसको अवसरमा सार्वजनिक विदा दिने निर्णय गरिएको छ ।

यस निर्णयअनुसार लुम्बिनी प्रदेशभरका सरकारी कार्यालय, शैक्षिक संस्था, बैंक, र सार्वजनिक निकायहरूमा विदा रहनेछ । प्रदेश सरकारका वरिष्ठ शाखा अधिकृत गंगाधर पाण्डेयद्वारा हस्ताक्षरित सार्वजनिक सूचना सबै सरोकारवालालाई पठाइएको छ ।

लुम्बिनी प्रदेश स्थापना दिवसको अवसरमा विभिन्न कार्यक्रमहरू आयोजना गरिने तयारी भइरहेको छ । यस दिन प्रदेशभर सांस्कृतिक, सामाजिक, र औपचारिक कार्यक्रमहरूका माध्यमबाट स्थापना दिवसको विशेषता उजागर गरिनेछ ।

प्रदेश सरकारको निर्णयले यस अवसरलाई थप भव्य र स्मरणीय बनाउन मद्दत पुर्याउने अपेक्षा गरिएको छ ।