लोकसारथि संवाददाता, काठमाडौं ।

सरकारले असोज २३ र २४ गते (सेप्टेम्बर ८-९) का जेन-जेड आन्दोलनमा घाइते भएकाहरूको उपचार र सहयोगका लागि विशेष व्यवस्था गर्ने घोषणा गरेको छ।

गृह मन्त्रालयले शनिबार जारी गरेको सूचनामा भदौ १२ गतेदेखि विशेष हेल्प डेस्क सञ्चालन गर्ने उल्लेख छ, जसको उद्देश्य आन्दोलनमा घाइते भएकाहरूको पहिचान, उनीहरूलाई परिचयपत्र वितरण तथा स्वास्थ्य सेवा पहुँच सहज बनाउन हो।

सूचनामा भनिएको छ, “आन्दोलनमा घाइते भएका व्यक्तिहरूको प्रभावकारी र सहज उपचारका लागि गृह मन्त्रालयले पहिचान तथा सहयोग सेवा व्यवस्थापन गर्नेछ। स्वास्थ्य तथा जनसंख्या मन्त्रालयले उपत्यका भित्र र बाहिरका अस्पतालमा विशेष ‘जेन-जेड क्लिनिक’ सञ्चालन गर्ने व्यवस्था मिलाउनेछ।”

सरकारका अनुसार, तोकिएका अस्पतालमा विज्ञ चिकित्सकको नेतृत्वमा विशेष कार्यदल गठन गरिनेछ जसले घाइतेहरूको चोटको वर्गीकरण गरी उपचारको अनुगमन गर्नेछ। साथै समन्वयका लागि १११५ नम्बरको हॉटलाइन सञ्चालन हुनेछ।

“स्वास्थ्य मन्त्रालय र तोकिएका अस्पतालहरूले जेन-जेड आन्दोलनमा घाइते भएकाहरूलाई यातायात सुविधा उपलब्ध गराउन एम्बुलेन्स छुट्याउने व्यवस्था मिलाउनेछन्,” सूचनामा भनिएको छ।