सनी देओल अभिनीत युद्ध–ड्रामा फिल्म ‘बोर्डर २’ ले बक्स अफिसमा लगातार धमाल मच्चाइरहेको छ। रिलिज भएदेखि नै फिल्म दर्शकहरूको पहिलो रोजाइ बनेको छ र यसको प्रत्यक्ष असर कमाइमा स्पष्ट देखिएको छ। गणतन्त्र दिवसको एक्सटेन्डेड वीकएन्डमा उत्कृष्ट कमाइ गरेपछि वीकडेजमा केही गिरावट देखिए पनि फिल्मको रफ्तार भने कमजोर परेको छैन। छैटौँ दिन पनि ‘बोर्डर २’ ले थुप्रै ठूला फिल्मका रेकर्ड तोड्दै आफ्नो मजबुत पकड प्रमाणित गरेको छ।

२०२६ को सबैभन्दा ठूलो ओपनर

सन् २०२६ को सबैभन्दा ठूलो ओपनर बनेको ‘बोर्डर २’ ले रिलिजसँगै जबरजस्त पोजेटिभ वर्ड अफ माउथ पाएको थियो। फिल्मले पहिलो दिन ३० करोड रुपैयाँको शानदार ओपनिङ गरेको थियो। दोस्रो दिन यसको कलेक्सन बढेर ३६.५ करोड रुपैयाँ पुगेको थियो भने तेस्रो दिन फिल्मले ५४.५ करोड रुपैयाँको धमाकेदार व्यापार गरेको थियो।

चौथो दिन अर्थात् सोमबार फिल्मले ५९ करोड रुपैयाँ कमाएको थियो। पाँचौँ दिन कलेक्सनमा गिरावट देखिँदै करिब २० करोड रुपैयाँको व्यापार भएको थियो।

‘बोर्डर २’ को छैटौँ दिनको कमाइ

अब सैकनिल्क (Sacnilk) को अर्ली ट्रेन्ड रिपोर्टअनुसार, रिलिजको छैठौँ दिन अर्थात् बुधबार ‘बोर्डर २’ ले करिब १३ करोड रुपैयाँको कमाइ गरेको छ। यससँगै फिल्मको कुल कलेक्सन २१३ करोड रुपैयाँ पुगेको छ। नन–हलिडेमा पनि डबल डिजिटमा कमाइ हुनु दर्शकहरूमा फिल्मप्रति क्रेज अझै कायम रहेको प्रमाण हो।

शाहरुख खानका दुई ठूला फिल्मलाई पछि पार्‍यो

विशेष कुरा के छ भने, छैठौँ दिनको कमाइको मामलामा ‘बोर्डर २’ ले शाहरुख खानका दुई ठूला फिल्मलाई पनि पछि पारेको छ।
फिल्मले ‘चेन्नई एक्सप्रेस’ (१२.५६ करोड) ‘डंकी’ (११.५६ करोड) को छैठौँ दिनको कलेक्सनलाई उछिनेको छ।

यसका साथै, आयुष्मान खुरानाको ‘थामा’ (१२.५ करोड) र सलमान खानको ‘प्रेम रत्न धन पायो’ (१२.०४ करोड) लाई पनि ‘बोर्डर २’ ले पछि पारेको छ।

‘बोर्डर २’ को स्टार कास्ट

फिल्म ‘बोर्डर २’ सन् १९९७ मा आएको सुपरहिट फिल्म ‘बोर्डर’ को सिक्वेल हो, जसलाई करिब तीन दशकपछि दर्शकमाझ ल्याइएको हो। यो फिल्म २३ जनवरी २०२६ मा सिनेमाघरमा रिलिज भएको थियो।

फिल्मको निर्देशन अनुराग सिंहले गरेका हुन् भने जेपी दत्ताले आफ्नी छोरी निधि दत्तासँग मिलेर निर्माण गरेका हुन्।
फिल्ममा सनी देओलसँगै दिलजीत दोसांझ, वरुण धवन र अहान शेट्टी महत्वपूर्ण भूमिकामा देखिएका छन्।