वर्तमान समयमा मौसम, जलवायु र प्रकृतिमा ठूलो परिवर्तन हुँदै गएको छ, जसका कारण सबै प्राणी तथा मानव संकटको सामना गरिरहेका देखिन्छन्। यो परिवर्तन अत्यन्त तीव्र गतिमा भइरहेको छ। जस्तै—जलवायु परिवर्तन, भूकम्प, बाढी, सुनामी, चक्रवात, हुन्छ ज्वालामुखी विस्फोट र तापक्रममा अत्यधिक वृद्धि जस्ता घटनाहरूले भविष्य मालिका ग्रन्थका भविष्यवाणीसँग मेल खान थालेका छन्।

प्राकृतिक विपत्तिहरूको सबैभन्दा ठूलो कारण पृथ्वीमा पाप कर्महरूको वृद्धि हो — विशेषगरी निर्दोष जीवहरूको हत्या जस्ता अधार्मिक कृत्य। जब पापको भार असहनीय हुन्छ, तब पृथ्वी विचलित भई भूकम्प, बाढी, अग्निकाण्ड जस्ता विनाशकारी घटनाहरू प्रकट हुन्छन्। मालिका ग्रन्थमा अनेकौँ आपदाहरूको वर्णन छ; यस लेखमा केही मात्र समावेश गरिएको छ।

भविष्य मालिका अनुसार प्राकृतिक प्रकोप

महापुरुष श्री अच्युतानन्द दासज्यूले मालिका ग्रन्थमा स्पष्ट उल्लेख गर्नुभएको छ कि यस्तो समयमा पृथ्वीमा तीन महाभयंकर भूकम्प आउनेछन्। सुनामीका छालहरू जमिनबाट एक लाख फिट (करिब ३१ किलोमिटर) सम्म उचाइमा उफ्रिनेछन्, जसले धेरै साना–ठूला देशहरू समुद्रमा डुबाइदिनेछन्।

अन्य आपदाहरू पनि बढ्दै जानेछन्, तर प्रभुको सच्चा भक्त सुरक्षित रहनेछन्, अधर्मीहरू विनाश हुनेछन्। अच्युतानन्द दासज्यूद्वारा रचित मालिका ग्रन्थका अनुसार, वर्तमान समय कलियुगको अन्त्यकाल हो, र भगवान विष्णुको दशौँ अवतार भगवान कल्कि जीको जन्म ओडिशामा भइसकेको छ।

भगवान कल्कि आगामी तीन–चार वर्षमा धर्मस्थापना कार्य अत्यन्त तीव्र रूपमा सम्पन्न गर्नेछन्। त्यस समयमा अनेक आपदाहरू, रोग–महामारीहरू फैलिनेछन्, जसमा भगवान कल्कि दुष्टहरूको विनाश र साधु–सन्तहरूको उद्वार गर्नुहुनेछ। तत्पश्चात् वर्ष २०३२ मा सत्य युगको पुनःस्थापना हुनेछ।

प्राकृतिक आपदा : कल्कि अवतारको लीला

भविष्य मालिका ग्रन्थमा अच्युतानन्द दासज्यूले भगवान कल्कि जीको संहार–लीलाको वर्णन गर्दै लेखेका छन्—

“काहि जल रूपे मुहि जगत नाशिबी,
काहि पबन रूपरे सकल ग्रासिबि।
काहि योगमाया नेई संहार करिबि,
काहि निजे विश्वरूप धारण करिबि।
काहि मौन ब्रत मु धारण करिबि,
काहि काल रूपे मुहि पापिकु नाशिबि।”

अर्थात् भगवान कल्कि अनेक रूपहरूमा प्रकट भई अधर्म र पापको विनाश गर्नेछन्। कहिलेकाहीँ जल रूपमा देखापरी संहार गर्नेछन्, कहिले वायु रूपमा, त कहिले योगमायामार्फत पापीहरूको अन्त्य गर्नेछन्। कतै विश्वरूप धारण गरी सृष्टिलाई अचम्मित पार्नेछन्, त कतै मौन व्रत धारण गरी दुष्टहरूको नाश गर्नेछन्। कहिलेकाहीँ काल रूप धारण गरी सम्पूर्ण पापको विनाश गर्नेछन्।

“हिमालय, एभरेष्ट टलि जे पड़िब,
जेबे एहि धरा परे भूमिकंप हेब।”

अर्थात्, लगभग ६०० वर्षअघि रचित गुप्त खेड़ा मालिका ग्रन्थमा उनले हिमालयको एवरेस्ट पर्वतसमेत उल्लेख गर्दै लेखेका छन् कि कलियुगको अन्त्यमा भूकम्पको तीव्रता यति भयावह हुनेछ कि एवरेस्ट पर्वत पनि चकनाचूर हुनेछ।

त्यस समयमा केवल भगवानका सच्चा भक्त मात्र सुरक्षित रहनेछन्, पापीहरू पूर्णतः विनाश हुनेछन्। महापुरुष अच्युतानन्द दासज्यूले यो भविष्यवाणी भगवान जगन्नाथको प्रेरणाबाट अत्यन्त सटीक रूपमा भविष्य मालिका ग्रन्थमा उल्लेख गरेका थिए।

“बरफ गड रहीछी उत्तर मेरु रे,
ए तरलिव धीरे धीरे सूर्यंक रश्मि रे”

उत्तर ध्रुवमा पग्लँदै गरेको हिउँ सूर्यका तीव्र किरणहरूको प्रभावले बिस्तारै पानीमा परिणत हुनेछ।

“रौद्र तापे जेतेबेले ए पृथ्वी बलिब,
सेतेबेले ए बरफ गड तरलिब”

तीव्र गर्मीका कारण पृथ्वी तात्दै जाँदा हिउँ पग्लने क्रम झनै बढ्नेछ।

“बहिब पानीर छुअ समुद्रंकु जाण,
अटलांटिक बढ़ि जिब कही केते गुण”

हिउँ पग्लेर समुद्रमा पुगेको पानीका कारण अटलान्टिक महासागरको जलस्तर धेरै गुणा बढ्नेछ।

“भारत कु छाडि देले आउ सब देश जिब,
महासागर जल रे डूब मारू थिब”

भारत बाहेक धेरै देश समुद्रको पानीले डुबानमा पर्नेछन्।

भविष्य मालिका अनुसार पहिले वर्णित प्राकृतिक विपत्तिहरू

२९ अक्टोबर १९९९ मा उडीशामा आएको विनाशकारी चक्रवातको उल्लेख ६०० वर्षअघि भविष्य मालिका ग्रन्थमा गरिएको थियो। गरुड़ गीता ग्रन्थमा “तिनि नव अंक” (९९९) को संकेत गर्दै महापुरुषले शुक्रबार, पञ्चमी तिथिमा भारतमा ठूलो आपदा आउने भविष्यवाणी गरेका थिए— जुन पूर्णतः सत्य सावित भयो।

शुक्रबार, २९ अक्टोबर १९९९ मा 260 किमी प्रतिघन्टा गतिले आएको महाचक्रवात — ‘पारादीप साइक्लोन’ — ओडिशामा ठोक्कियो, जसले अकल्पनीय क्षति गर्‍यो।

यस महाविनाशकारी चक्रवातमा लगभग १०,००० मानिसको मृत्यु भयो।
करीब १.५ करोड मानिस प्रभावित,
१५ लाखभन्दा बढी बेघर,
लाखौँ घर नष्ट,
५ लाखभन्दा बढी पशु–धनको मृत्यु,
र विशाल क्षेत्रफल डुबानमा परिणत भयो।

अग्नि प्रलय

“चउदिगे निआ काहु दग्धि ए धरणी,
ओदा कंचा न मानिब सबु खाए अग्नि।
अग्निर करालरूप जीवात्मा देखिब,
हान्हान्हा होई तार प्राण छाडिजिब।”

अर्थात्, चारैतिर अग्निको ताण्डव देखिनेछ। पृथ्वी बेसरी तातने छ, डढ्नेछ, र धेरैको मृत्यु हुनेछ। धन–सम्पत्ति जलेर राख हुनेछ। मानिसहरूले अग्निको भयावह रूप आफ्नै आँखाले देख्नेछन्। इथियोपिया र रुसमा आएको ज्वालामुखी विस्फोटन यसको जल्दोबल्दो उदाहरण हुन् । कतै आगोको प्रभाव कम, कतै अत्यन्त प्रचण्ड हुनेछ।

हालै अमेरिकाको क्यालिफोर्नियास्थित लस एन्जेलसमा आगलागीको भयावह दृश्य,
तुर्कीको स्की रिसोर्टमा आगो लागेर 66 जनाको मृत्यु
जस्ता घटनाहरू पनि भविष्य मालिका ग्रन्थका श्लोकहरू सत्य हुन थालेको प्रमाण हुन्।

निष्कर्ष

भविष्य मालिका ग्रन्थमा वर्णित धेरै प्राकृतिक विपत्तिहरू आजसम्म घटिसकेका छन्। पाप कर्म अत्यधिक बढिसकेको छ र वर्ष २०३२ मा सत्य युग आरम्भ हुने निश्चित छ। कलियुगको अन्त्यमा सबै पापीहरूको विनाश हुनेछ, र केवल सच्चा भक्तहरू मात्र सत्य युगमा प्रवेश गर्नेछन्।

सत्य युगमा प्रवेशका अधिकारी उनीहरू हुनेछन्—
– जो त्रिसन्ध्या गर्नेछन्,
– भागवत महापुराणको नित्य पाठ गर्नेछन्,
– र निरन्तर माधव–नामको जाप गर्नेछन्।

जो सत्य, प्रेम, दया, क्षमा र शान्तिलाई अपनाउनेछन्, तिनीहरू नै सत्य युगका योग्य पात्र हुनेछन्।