लोकसारथि, माघ १४ । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ तेह्रथुम पुगेका छन्। सोमबार बिहान माओवादी केन्द्रका उपमहासचिव वर्षमान पुन ‘अनन्त’लाई साथमा लिएर उनी हेलिकोप्टरमार्फत तेह्रथुम पुगेका हुन्।

तेह्रथुम पुगेपछि अध्यक्ष प्रचण्डले लालीगुराँस-२ मा अवस्थित चो:लुङ पार्क तथा संग्रहालयको अवलोकन गरेका छन्। संग्रहालय अवलोकनपछि उनी प्रधानमन्त्री केपी शर्मा ओलीको जन्मथलो आठराई जाने कार्यक्रम रहेको छ।

प्रचण्ड आज र भोलि दुई दिनसम्म तेह्रथुमका विभिन्न स्थानमा आयोजना हुने कार्यक्रममा सहभागी हुने बताइएको छ।