सञ्चार तथा सूचना प्रविधिमन्त्री रेखा शर्माले घोराही–तुलसीपुर चार लेन सडक आयोजनाको निर्माण कार्य छिट्टै सम्पन्न हुने बताइन् ।

नेकपा (माओवादी केन्द्र)ले आज दाङ जिल्लाको तुलसीपुर उपमहानगरपालिका–१६ मा आगामी दशैं, तिहार, छठलगायतका चाडपर्वको शुभकामना आदानप्रदान गर्न आयोजना गरेको कार्यक्रममा मन्त्री शर्माले यस्तो बताएकी हुन् ।

तिहार लगत्तै आयोजनाको टेन्डर सूचना जारी गरिने शर्माले जानकारी दिइन् ।

हालको घोराई–तुलसीपुर सडकलाई चार लेनमा स्तरोन्नति गरिने मन्त्रीले बताइन् । यसका लागि सम्भाव्यता अध्ययन र अन्य सर्वेक्षण भइसकेको छ । साथै यस विषयमा सम्बन्धित मन्त्री र निकायसँग छलफल चलिरहेको छ ।

अहिले सडक मर्मतको काम भइरहेको छ । यसअघि जीर्ण सडकको स्तरोन्नति पाँच वर्षदेखि ठप्प हुँदा यातायातमा समस्या हुनुका साथै कयौं सडक दुर्घटना समेत भएको थियो ।

सो अवसरमा मन्त्री शर्माले राप्ती स्वास्थ्य विज्ञान प्रतिष्ठानमा एमबीबीएस कार्यक्रम सञ्चालनका लागि भवन निर्माणका लागि रु ३० करोड विनियोजन गरिएको बताइन्